Resensi novel "Rajapati" (Radika Hutami Scunda Putri)


Judul buku:  Rajapati

Panulis: dr. karl may
Kandelna: 112 halaman
Penerbit: PT. girimukti pasaka
Citakan: ka dua tahun 1997


Pedaran eusi resensi :
            Dr.Karl may nyaeta pangarang novel ieu, mangrupakeun pangarang nu karangana ti barang muncul terus laku unggal jaman, tug nepi ka kiwari. Kolot budak pada resep. Loba nu kataji. Loba nu keur budak, jaman masih keneh sakola, kungsi maca. Resep, katarik. Dibaca deui geus reuay anak-inci oge, teu weleh resep, katarik.
            Unggal buku mangrupa leunjeuran carita anu mandiri. Aya anu ditonjolkeunana, dipake judul lalakon. Bari unggal buku aya bae pakuat-pakaitna mah, jeung buku heulaeunana atawa pandeurieunana yeh. Nepi ka sajumlahna ngawangun leunjeuran atawa rentetan pangalaman jarambah nu ngarang di Tatar Barat. “Winnetou” atawa judul lengkepna “Winnetou Kapala Sukubangsa Apaci”, buah mungaranana. Tuluyna ngaruntuy sapuluh buku make rupa-rupa judul, nepi ka “Maotna Winnetou” buku nu kaduawelas jeung katiluwelasna pamungkas : ”Wasiat Winnetou”.
            Novel ieu nyaritakeun indian, jeung Andika anu sok disebut “Greenhorn”. Nu kumaha nu disebut Greenhorn teh? Nu “hejo” keneh, jelema tuna pangalaman, ari  angkeuh haying ngambah dunya lega. Nu getol diajar, leukeun pilah teu diseungseurikeun deungeun.
Nu disebut Greenhorn te, nu tara nangtung tina tempat diukna mun kabeneran aya wanita haying diuk di dinya. Nu sok tatabean jeung tuan rumah memeh rengkuh ka nyonya rumah jeung ka mojang anakna. Upama aya nu nyabok, nu disebut Greenhorn mah tanginas lumpat, lapor ka kokolot, dakwa teu suka. Teu cara Yankee nu asli, tara tata pasini deui, beledag bae dipestol anu nyabokna. Manggih tapak kalkun, disebut tapak biruang ku Greenhorn mah. Rek nyaba jauh lila nempuh perjalanan nyorang daerah hara-haraeun nu disebut Greenhorn mah mekel sabunna oge tilu kilo, sepon sagede hulu, da haying tetep berseka, cenah. Bari jeung mawa pedoman sagala deuih. Tapi kakara oge tilu poe nyorang perjalanan, jarum pedomanana the nunjukna geus ka unggal madhab iwal ka kaler. Lila keneh kana waktuna bral nyaba, nu disebut Greenhorn mah, geus ngadekul nyatet-nyatetan babasan urang indian. Tapi dina emprona mimiti amprok, kakara inget, manahoreng notes catetanana the henteu dibawa, tinggaleun di imah. Tapi Andika ngarasa sabalikna ti kitu. Manehna ngarasa pinter luar biasa bari jeung loba pangalaman deuih. Keur sakola, jadi pamujjian, da unggal ujian lulus kawalan gilang-gumilang. Lantaran teu nyangka saeutik-eutik acan harita mah, yen saenya-enyana, nu kurup disebut sakola luhur mah, nya hirup tea. Hirup tempat para siswana unggal usik diuji.
Nepi ka manehna wawuh jeung Mr. Henry, The gunsmith. Mr. henry the jelemana kasar, jeung teu sopan. Tapi saatos wawuh jeung andika manehna nunjukeun sikap nu sabalikna pisan. Manehna resep pisan ka Andika lantaran kapinteranana, jeung ceuk manehanana Andika mah teu pantes disebut Greenhorn teh.

posted under |

0 komentar:

Posting Komentar

Posting Lebih Baru Posting Lama Beranda
Diberdayakan oleh Blogger.

Banner


Crossed Red Kunai - Naruto